Marka luksoze zvicerane e orëve Hublot ka lëshuar një version të ri të kufizuar të orës së lidhur Big Bang në bashkëpunim me Premier League.
“Në këto kohë sfiduese, futbolli vazhdon të jetë një burim i gëzimit shumë të nevojshëm për tifozët në të gjithë botën. Hublot e do futbollin dhe vazhdon të jetë partner me garat më të mëdha të lojës. Është privilegji ynë të prezantojmë Hublot Big Bang e Premier League, një orë e lidhur e krijuar për t'i sjellë fansat e pasionuar edhe më afër ligës më të ndjekur në botë. Hublot është vërtet krenar që po punon me Premier League dhe po krijon përvoja të paharrueshme për njerëzit që duan orët dhe futbollin.” Ricardo Guadalupe CEO i HUBLOT
Hublot është kohëmatësi zyrtar i Premier League dhe ishte marka e parë zvicerane e orëve dhe marka luksoze që u përfshi me këtë sport. Kompania krijoi orën e parë luksoze të futbollit të lidhur për Kupën e Botës FIFA 2018 në Rusi dhe tani e ndjek atë me një orë të dytë posaçërisht për Premier League.