UDHËZUES NGA PUNISHTJA
Si të kujdeseni për orën tuaj
Një orë e mirëmbajtur zgjat breza. Këto janë rregullat që u themi çdo ditë klientëve tanë në punishte — të thjeshta, por që bëjnë diferencën.
Uji
- Mos e përdorni kurorën (rregullatorin) kur ora është e lagur ose nën ujë — është pika më e ndjeshme e hyrjes së ujit.
- Rezistenca ndaj ujit nuk është e përjetshme: gominat plaken. Nëse notoni shpesh me orën, kontrollojeni çdo 1–2 vjet.
- Pas ujit të kripur, shpëlajeni orën me ujë të ëmbël dhe thajeni me leckë të butë.
Goditjet dhe magnetët
- Shmangni goditjet e forta dhe rëniet — sidomos për orët mekanike, ku mekanizmi është më delikat.
- Mbajeni orën larg magnetëve të fortë (altoparlantë, çanta me mbyllje magnetike, tableta) — magnetizimi prish saktësinë dhe kërkon çmagnetizim në servis.
Bateria dhe mekanizmi
- Ndërrojeni baterinë sapo ora të ndalojë — bateria e shkarkuar mund të rrjedhë dhe të dëmtojë mekanizmin.
- Orët mekanike dhe automatike kanë nevojë për servis periodik (pastrim + lubrifikim) — zakonisht çdo 4–6 vjet, sipas modelit.
- Nëse ora humbet ose fiton dukshëm kohë, mos e rregulloni vetë — sillnie për një kontroll falas.
Rripi dhe pastrimi
- Rripat e lëkurës nuk e duan ujin dhe djersën e tepërt — hiqeni orën në stërvitje dhe ndërrojeni rripin kur të lodhet (vendosja falas te ne).
- Byzylykët metalikë pastrohen me leckë të butë; për pastrim të thellë, sillnie në punishte.
- Ruajeni orën në vend të thatë, larg diellit të drejtpërdrejtë — kutia origjinale është vendi ideal.
Udhëzimet ndryshojnë sipas modelit dhe mekanizmit — për orën tuaj konkrete, na pyesni pa hezitim.